Vom Brodässe - Schwank

Vom Brodässe

Land: Schweiz
Region:
Kategorie: Schwank

Der Hansli het es Fraueli gha und das het Bethli gheiße, und s'Bethli het e Ma gha und dä het Hansli gheiße ; der Hansli und s' Bethli sind beidi gar ordeligi Lüt gsi und hend beidi gar ordeli chönne Brot ässe. Der Hansli het aber nüt u liebers gässe als der Rouft, und s'Bethli nüt uliebers als d'Mutsche. Und häretgage het der Hansli d'Mutsche schröcke- lech gärn gässe und s'Bethli der Rouft. Dessetwäge hend si's gar guet mitenander chönne. Denn der Hansli isch froh gsi, wenn s'Bethli brav Rouft gässe het, wil ihm de allemol d'Mutsche übrig bliben isch; und s'Bethli isch froh gsi, wenn der Hansli d'Mutsche gässe het, wil es de der Rouft ganz übercho het. Und eso isch es gange bis der Hansli am End aller Ende ghimmlet het. Do dernochet het aber s'Bethli z'eismol Niemet meh gha, won em d'Mutsche ewäg gässe het. Was thuets ? Es het halt wider e Ma gno, und da het gheiße Iöri. Und der Iöri und s'Bethli sind beidi gar ordeligi Lüt gsi und hend beidi gar ordeli chönne Brot ässe. Aber oheie! Der Jöri het grad au nume welle de Rouft ässe, und s'Bethli hätt' um's Läbe kei Mutsche abebrocht. Do hend si ali beidi enand liberments nüt meh ässe lo und sind zletscht ali beidi a der Vergöustig gstorbe. Gott bhüet is dervor.

 

Quelle: Sutermeister, Otto: Kinder- und Hausmärchen aus der Schweiz Aargau (Mundartlich nach Nochholz Echweizersagen II. S. 318.)

Eingelesen von der Mutabor Märchenstiftung auf www.maerchen.ch.