E böse Nochber

Es bös Dach u e böse Nochber sig ’s Wüeschtischte, wo me eim chönn awünsche, seit me mängisch. Do ume isch e Bur gsi. Dä isch mit em Nochber nid guet uscho. Gäng hei sie z’uneise gha u si läng wie breit übereggs gsi. Diese het gseit, äine chönn häxe. Jä, wieso de? han-ne gfrogt. He, äine wüss gäng alls, was sie brichti. Do chömm es Müsli bim Schaftegge vüre, u das sig ne. U bim Ässe chömm gäng e Fieuge. Dere möge sie nid gnue gwehre. Gäng sig sie do; so bhäng dass me ässi. U das sig fertig, das sig ne; är chömm für z’vernäh, was sie vo ihm brichti.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.