Erwörg ne!

Äs isch einisch e Ma gsi. Dä het mit em Mage z’tüe gha un isch zum Dokter, was er au söll mache. He, är söll warte bis am Morge; är wöll ihm’s de säge; är söll jetz i ’s Dorf go gen übernachte. Dä Ma het dr Wäg unger d’Füess gno; aber ungerwile het er afo überschloh, was das für Chöschte gäb! ’s Gäld het ne graue, un är isch ume zrugg, für uf em Heustock z’übernachte. Aber är het die Nacht e kes Aug zueto u nid chönne schlofe. Plötzlig gseht er zum Tagliecht us es chlis Liecht derhar cho. Äs isch ganz feischter gsi. Aber das Liechtli isch gäng nöher cho u gäng nöher u grösser worde. Ar dänkt‚ wo dä emel au hi wöll, sövli spät. Aber das Liecht het prezis uf ’s Hus zue gha; är het ghört, wie öpper düre Wäg chunnt. Uberniede het’s a dr Hustüre gchlopfet. D’Tür isch ufgange, u dr Dokter het öppere gheisse i d’Stube cho. Drufabe ghört er’sche ubemiede rede. Äs sig do geschter e Ma cho, dä heig’s im Mage; was är däm söll säge. Är heig ne i ’s Dorf gwiese; morn chöm er ume. Dä heig Chatzehoor im Mage; är söll wiss Rüeben ässe, de besseri’s ume; aber dä sig de nid im Dorf; dä sig de uf dr Reiti. „Gang erwörg ne,“ säg dr Dokter. „I cha nid,“ mach dr anger druf, „är het si drum i de drei höchschte Nämen abgleit.“

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.