No einisch will dr hälfe!

E Burebueb het es Buech gha; do drus het er welle zaubere. I dr Nacht isch ihm vorcho, är gang über ne schmale Stäg. Unger ihm isch es rissends Wasser gsi. Jetz het’s ne düecht, äs gang alls unger ihm furt. Du isch e Ma cho. Dä het ihm d’Hang greckt u gseit: „No einisch will dr hälfe, aber de nümme!“

Zmornderisch het er ’s Buech ewäggto u’s nie meh agrüehrt.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.