Bim Brunnstübli

Äs isch i dr Ärn gsi. Dr Hansueli u dr Seppli, zwe Buebe, si i d’Gumi go Ähri ufläse. Du säg dr Seppli: „Chumm, mir göh uf d’Bureallmäng. Hie si jo ume ganz weneli.“ Sie si drufabe dür Hansuelis Matten ab usi zum Brunnstübli cho. Uf eismol drückt si dr Hansueli uf d'Site u seit zum Seppli: „Mach di enangereno nohe, du Schlarpi. Gsesch äis Fraueli do nid, wo tuet Wingle Wäsche?“ Aber dr Seppli het d’Augen ufto u nüt möge gwahre.

Dr Hansueli het drum meh gseh, weder anger Lüt; vowägen är isch i dr heilige Nacht jung gsi.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.