E schwäri Burdi

Uf ere Weid si zwe Brüeder gsi, übersüünegi u upenigi Buebe. Es Füli het ne's nid chönne, u du hei sie‘s uber ne Flueh usgjagt. Druf isch eine vo dene zwe Brüeder gstorbe. ‘s Johr druf lauft dr anger i dr Nacht unger dr Flueh düre. Du ghört er eismols gruchse u bärschte, u eine isch cho u het uf em Rügge d‘Helfti vomene Füli treit. Du man er dr Brueder erchenne, u redt nen a.

Du het ihm dr anger gseit. är müess gäng d’Helfti vo äim Füli, wo sie zsäme uberus gjagt heige, d’Flueh ueheträge. Sig er dobe, so ghei sie zrugg u de müess er vo vor afo. U we den är stärb u vorane nid für beid zsäme guet gmacht heig‚ müess er de au cho, für die anger Helfti uehezträge.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.