Dr Zwingher uf ern Schlössli

Dr Her im Schlössli het d’Bure welle zwänge, e läderegi Brügg vom Schlössli bis zur Altburg z’baue. Dass d’Lüt nid wüssi, wo-n-er sig, heig er albe em Ross d’Ise z’hingerfür lo ufschlo, wen er furt sig.

Einisch het e Bur uf ern Bärg z’Acher gfahre. Är het zwe brav Stieren im Joch gha. Dr Her het dä schön Zug agluegt‚ u dr Verbauscht het ne völlig übernoh. Är isch zum Bur gange u het ihm churzerhang bifohle, är söll die Stiere i ’s Schloss bringe. Dr Bur het gwüsst, dass wehre nüt abtreit un är muess ’s Chürzer zieh. Är het dergliche to un ihn ihm agha, nume no d’Fuhre tät er gärn mache bis änenus. Dr Her wird dänkt ha, är chönn säuwft es Gleich tue, we das so ring gang u het ihm’s erlaubt. Jetz het dr Bur rächt teuf gha. Du isch er a ’s Änd cho. Jetz schrisst er ’s Säch use u git em Her! Dä isch tot gsi. Dr Bur het ne i d’Fuhre gheit u ne mit dr nächschte Fuhre zuedeckt. U d’Bure hei si zsäme grottet; sie si gäge ’s Schlössli u hei’s erstürmt u zerstört.

Die Sage, die auch anderwärts lokalisiert erscheint, erinnert an die Geschichte Melchtals. Die Burg Rorberg, wie die Urkunden das Schloss benennen, ging im Mai 1323 in einem Rachezug der Berner gegen Kuno Kerro in Flammen auf.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.