Vom arme Sünder

Unger em Galgen isch en arme Sünder gstange. Dä het me welle hänke. Dr Hänker het ne no usgrüeft, wen es Wibervolch ne mög manne, so söll es cho u ne näh.

Derno isch eini vürecho. Sie het’s dänk gha wie äis Meitli, wo gseit het: „’s isch glich wes pföselet, wes ume höselet.“ Du het dr Hänker em Gfangene d’Binge vo den Auge gno. Aber dä het gli gseh, was Gattigs. Är het tschuderet, wie wen er in e Holzöpfel bisse hätti u gseit:

„Ein spitz Genäs,
Ein bös Gefräss.
Hänker, hänk uf.“

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.