E Frau vo Brätzbel verzellt: «Z’nacht, bim e Gwitter sy mer emol us im Dorf hei in d’Sage. Unde-n-im Dorf, im Bammet, näbe der Landstross ha-n-i bi jedim Wätterleichne zwo Chüeh gseh wie bsässe uf enander renne, und doch het me nüt gkört. I ha mi vor Angscht ganz an my Ma drückt. Dä het mi beschwichtiget: «Tue doch nit eso; i ha das scho mehr as einisch gseh.»

Quelle: G. Müller/P. Suter, Sagen aus Baselland, Liestal 1939.

Eingelesen von der Mutabor Märchenstiftung, www.maerchenstiftung.ch