In der Orismühli sy e zytlang alli Morge an de Ross d’Halshoor züpflet gsi. Dass do öppis nit mit rächte Dinge zuegange-n-isch, het me-n-an de Züpfli gmerkt; die sy nämlig ganz uf e bsunderi Art züpflet gsi; dorum het me ne Häxezüpfli gseit. Uf das abe isch de-n-Orislüte- n-agrote worde, si seile luege, dass si e schwarze Geissbock überchömme, wo keis wisses Höörli heig. Die Lüt hei dä Rot bifolgt und e so ne Geissbock in Stall yne to. Uf das hi het’s besseret! ’S Züpfle het ufghört, aber der Geissbock isch alli Morge pflätschnass gsi und isch dure Tag wie gschlage-n-ummegläge.

Quelle: G. Müller/P. Suter, Sagen aus Baselland, Liestal 1939.

Eingelesen von der Mutabor Märchenstiftung, www.maerchenstiftung.ch