Der Metzgerjoggi seit zu sym Junge: «De chönntsch jetz öppe vierzäh Tag durab in Heuet. Bis dörthi cha-n-i die Sach scho mache und du chönntsch e schöne Batze verdiene.» Wo der Joggeli wieder hei cho isch, frogt  ihn der Vatter, wie’s gange syg. «He, ganz guet» het der Joggeli grüehmt, «und bim Mäihe bi-n-i allewyl der zweutvorder gsi.» «Jä,wie mänge hei gmäiht?» frogt der Vatter. «He, eusere zwe».

Quelle: G. Müller/P. Suter, Sagen aus Baselland, Liestal 1939.

Eingelesen von der Mutabor Märchenstiftung, www.maerchenstiftung.ch