Das wän im Wiillerli gsiin. Da wän em Möötter gsiin und es Mäitelli. Und we si hed d'Milch ab em Fiir gnun, hed si däm Mäitelli geng e Tropf in es Muttelli taan, und das hed ds Gschirrli mid dem Milchleffel dri gnun und ischd mid allem i ds Gengli üüsi und hed gsäid: „Em Chatzelli o Mämmi bringen."

Das ischd geng eso ggangen.

Dr Möötter isch das afan artigs vorchun. Uw-wäred dem Chloschtren im Fiirhüüs hed ds Mäitelti glached, as we 's mid eppes ganggleti.

Döö gäid si i ds Gengli üüsi und isch gar griiselli erchlipfd. Us em Muttelli hed e-w-Wurm glapped, und ds Mäitelti hed im mid dem Leffel uf ds Grindli ggän ung gsäid: „Brood o nän! Brood o nän!"

Das Gschichtli hed ma hie z'Wiiller o verzelld; aber äs ischd no mee dra gsiin. Ds Mäitli wän düö gwagses gsiin und hätti wellen hiiraten, und düö wän düö dr Wurm chun und hätte-m-ma es guldigs Chreendli i ds Muttelli la ghiijen.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.