In dr Grini ischd en Jeger gsiin; där ischd z'Jag, ob Sundeg old Wärchteg; das ischd äitöö gsiin.

Äis ischd er an enem häiligen Aben gen uf Figs lotzen. Den ganzen Aben anhi hed er glotzed; äs hed ne gfroren, und är hed afen ganz närrsch Hend ghäben; aber neena hed si eppes gwäigged, und äi Stund um dee ander ischd verrunnen. As hed gägem Mittinacht grickd. Döö gheerd er e Stimm: „Schlääfred di? Mi schlääfred nid." As ischd nid e Stimm gsiin wee von enem Läbenden.

Gläitig ischd er gägen häin und i ds Bett. Am häiligen Aben ischd er nee mee z'Jag.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.