An enem Märt wän es Mäitli und em Bööb spat häin; äs ischd fiischter gsiin u chiidegi Nacht.

Underwägs stelld si ds Mäitli a ds Wägbort, wee we's epprem us em Wäg wellti.

Was äs häigi, fräägd dr Bööb.

„Gugg mer uber dee lingg Agslen", säid ds Mäitli.

Är machd's. Uf em Wäg ischd e-l-lenga Zug chun; äis am andren, dr ganz Wäg gstacked volla; si häi faschd nid chennen gaan.

Äs ischd in dr Nacht gsiin. Es Mäitli und em Bööb sii vun enem Märt häin. Döö chunnd e-l-Liich. Vorüüs d'Trääger mid dem Sarch; hinnennaha d'Liit, e Zug, är hed nid wellen üüfheerren.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.