Vor vile Jaaren isch'sch bir Rätschgrööben uf dr obre Furen nid alls loibs gsiin. D'Liit, wa verbii siin, häin da naa em Vernachten geng e schreckelli weeschta, fiiraga Ma gseen, um bbald hed da tagleechts neemmem mee wellen gaan, vergäss de z‘Nacht.

Aber äis isch'sch stockfiischterri Nacht gsiin. Döö chunnd em Man; är hed en Hund bee-n-im ghäben, und in dr Hand hed er e Fürbrand träägen. Dr Gfiirig stäid vor im im Wäg, machd Oige wee Redleni ung chroosed mit de Zeenden:     

„Hättischd düü nid das Bissendi

Und dä gfiiregem Bbrand,

Sa wärischd d' gruwwna

Fir hinaga Abenggang!"

Firderhin hed neemmem mee de gfiiragem Mam bir Rätschgrööbe gseen.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.