E Chapeziner hed en hornochta, schwarza Bock an enem Chettelli gfeerd; äs ischd e scheenna, brava Bock gsiin.

Em Man ischd bin däm Bock bliibe staan, hed ne gschowwed und hed gfräägd: „Wie tiir däm Bock?"

Aber dr Chapeziner gid im zem Bschäid: „Schwiig. Äs ischd dr wirser. Mid däm wollt i wiiter wan gen Underbach und nen dert in e-w-Wald töön."

Där Bock ischd egghäi-r-rächta Bock gsiin. Dr Chapeziner hed nen nid wiit vun iis gräichd ghäben; i wil ds Hüüs leeber nid namsen.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.