Vum Eggacher naha chunnd es Wägli abha i-w-Wäg. D'Liit häin näben däm Wägli grossa Schade taan, bsunderbar bi-l-läidem Wätter. We s' desüüf old desab siin, häi s' ds Chrüüd verstampfed u-s-siin näb em Wäg ggangen.

Dr Bbüür hed das nid welle tolen und hed z'beede Siite vum Wäg Hagstäcke schreg igschlagen.

Es Morgeds siin dee Hagftäcken üüsgschrissen im Chrüüd glägen.

Milchbööben hätte 's gmachd ghäben.

Am Morgen drüüf siin dee Bööben enumhi verbii und häi zum Vee wellen. Jetz hed se dr Bbüür bbanned. Si häin nid es Bäin, nid es Ärmli mee chenne-w-wäiggen.

Döö sii d'Chilcheliit chun. D'Bööbe siin no geng da gsiin. Dr Bbüür wän o derbee gsiin. Är hed taan, as wen er niid wissti und hed zum Bööbe gsäid: „E, e, Bööben! As wäm Mälchesziid."

Mid däm häi s' chennen gaan. D'Hagftäcken häin vun da a-r-Rööww ghäben.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.