Äs hed afan herbschten.

Am Mägisalp hed äina e Chöö verloren; si ischd an enem Peter vu Wiisseflöö gsiin; zleschd häi sa d'Älper no im Wurf gseen, und derna isch schi mid Hüüd und Haare verlorni gsiin.

Äs ischd Üüstage-w-worden, und d'Liit sii z'Alp gfaaren. Döö chunnd es Zwäärgli vor d'Hitten, wa Peter vu Wiisseflöö z'Hitten ischd gsiin; an enem Hälsig hed 's dee verlor Chöö ghäben;  dernäb ischd es scheens Chalbelli gsiin, fäisses wee nes Dagsli, und ds Zwäärgli hed greesd:

„Peter vu Wiisseflöö,

Chu-r-räich dii Chöö

Und ds Chalb derzöö."

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.