Zun enem Hirter an Gibelegg ischd Tag fer Tag es Zwäärgli chun. Und all Tag hed ma dr Hirter en Goon platschvolla Milch ggräched. Äis es Tags ischd dr Hirter am Hage gsiin; ds Vee hed gwäided, nid wiit vum Hirter dr Helm.

Uf ds Mal chunnd ds Zwäärgli äis Sprungs derbar und breeled, was's mag:

„Bläsi, Helmi, fleen!

D'Gibelegg ischd gspalten!"

Dr Hirter h-d ds Hagziig, Stäcke. Schiji und Schwäiffel la ghijen, hed ds Vee zsämetriben und ischd gägen Hostette gfaaren.

Churz drüüf ischd dr Bach chun, und wiit um bräit hed's nen über d'Beerter üüsgreerrd und alls uberfaared und uberfeerrd.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.