Uf em Beelti z'Gööttannen häi d'Zwäärgleni gholfen hewwen. Es Mäitli hed ne zööglöögd. Uf ds Mal hed's gsäid: „Ää, Atta, lööged, weler Feess!"

Das hed d'Zwäärgleni i d'Nase gstochen; si siin heenni worden. Si häi ds Wärchziig la ghijen und sii furt und häi si vun da an nee mee zäigd.

Si häin drum Feess wee Enti ghäben.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch