Eis ischd von Elbige em Bättlere chun und ischd z‘Briens den Hiisren naa. Vor en Huustirenen hed si dr Gottswillen um enes äässigs Breesmeli bbättled; aber d‘Liit hei rra dTiren vor dr Nase zuegrierrd. Si ischd uf e Trachtbach chun und hed underwägs nid es Schnäfelli Brood old Chääs uberchun. Due hed se si umgcheerd und gäge ds Dorf bbrieled:

„O wee! O wee!

Ds Brienserdorf ghiid i See!" »

Ds Naajaar hed's de Trachtbach ob em Dorf uusiigrierrd. Gärten und Gieter hed er uberliffen und d’Hiiser ibsetzd.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.