As het amol a Wyb näbed dem Strössli gmäht, und do kunnt a Fenki derhär und froget: «Haut dSägess?» SWyb seit: «I kas nit loba, der Scherba will nit haua.» Uf das seit dFenki wieder: «Um a guat Stugg Speck und a paar Eier will der en Rot ge, und wennd am folgest, so ka der guat stoh, d Sägess haut wia Gift.» Das närrisch Wyb goht und holt a guat Stugg Speck und a paar Eier und bringt sie der Fenki, und di a seit: «Dengla namol, wetz amol, derno wirds schnyda», und springt mit Speck und Eier dervo.

SWyb lueget ara fürig taub no und sait zuara selb: «Das hetti au sus gwüsst!»

Aus: C. Englert Faye, Von kleinen Leuten. 102 Zwergensagen, Feen und Fänggengeschichten aus  der Schweiz, Bern 1937.

Eingelesen von der Mutabor Märchenstiftung auf www.maerchenstiftung.ch