Irma Hus ischt an richa Man gstorbn, wa nid alls ehrli värdianet khan hed, was er zrugg glan hed.

A Wil nahär heint schii Lüt arama Abed Härdöpfl abgladn und in de Chäller gätan.

Dr Chnächt ischt grad mid arma Sack Härdöpfl uf'm Rügg dür ds Vorhus iin. Uf eimmal ischt'r so uf d Sita gäträttn, as ob'r aswäm us'm Wäg güangi. Dua seit dr jung Patruun: «He, was witt? Gang doch witer!» «I han da grad arma Dicken Platz machä müassn», seit dr Chnächt.

Dr Patruun het nümma gwundaret, wär's gsin si. Schim Ehni heintsch «dr Dicka» gseid, und ma het bhauptet, er geischti. Dr Chnächt ischt es Sunntigchind gsin.

Drum hed er diä Geischter gsehn, wen andäri nüüd gsehn heind.

J. Vetsch. Ds Goldbrünneli. Eine Sagensammlung aus Klosters und Umgebung. Klosters 1982, © J. Vetsch

Eingelesen von der Mutabor Märchenstiftung auf www.maerchenstiftung.ch