Wiä isch dumenä hübsche Chnächt in der Ragazer Alp Bardiel ergangä! Derselb hei au d'Gaistersinna gsäha und hei vu drüerlei verschiedener Schottä eini müaßa-n-usläsä. Zum Glügg hat er di grüä gwehlt. Duä heig einä vu da Geisterä zuenem gseit: "Hettist du änderst gwehlt, so hettemer di verrupft we d's Gstrüpp in der Sunnä. Aber jetz chast ä Wunsch tuä; er soll erfüllt wärdä." Duä sägi der jung Burst: "Där, wou beim Cheise-n-ä sou prächtig gjoulät hat, söll mis au leihrä."

Das ist gschieh, und vu duä a heig me der erst Chuahreiä im Ouberland ka.
Albrecht, Erinnerungen.
 

Quelle: Sagen des Kantons St. Gallen, Jakob Kuoni, St. Gallen 1903, Nr. 203, S. 98f

Eingelesen von der Mutabor Märchenstiftung auf www.maerchenstiftung.ch.