Wo-nn-er g'gangä-n- und gstandä syg, häig'r vor'm-anä 'pättet, d'r Süffibalzi. Einisch häig'm ä Bristner im »nywä Wägg« wellä z'furchtä machä. Aber d'r Balzi syg nid ertatteret. »Bisch ä Geischt, sä säg's«, häig-er'm griëft, sä cham-mi-di a'redä; bisch ä kei Geischt, sä sell-di d'r Tyfel nä und trägä, so wyd as'r magg!« Aber mit dem sälbä Bristner syg's doch äu nu einisch abtättsch! Bis zum St. Antoni-Chappäli-üfä syg's mid'm!

Peter Ant. Gamma, 50 J. alt, Alpknecht, u.a.

Quelle: Müller, Josef: Sagen aus Uri 1-3. Bd. 1-2 ed. Hanns Bächtold-Stäubli; Bd. 3 ed. Robert Wildhaber. Basel: G. Krebs, 1926, 1929, 1945

Eingelesen von der Mutabor Märchenstiftung auf www.maerchenstiftung.ch.