Ds Balzä-n-ä Büeb im Billä-n-obä heig einisch am Abed vor Aller Seelä gseit, är well hinecht nu ächly z-Stubädä. Der Vatter heig das nit gärä gseh und heig-em abg'ha. Aber das heig nyt gfruchtet. Är heig ägleit und syg g'gangä. »Chasch lüegä wie's d'r gaht!« heiget-s'em nu nachägrieft. Aber woll! am zwelfi sygs wider chu midem! Jesses Maryä! wie der chu syg! wie z'flygädä! bis a d'Hüstirä heigs-ä pracht! und är mit sannt der Tirä i ds Hüs innä! Flätschbachnassä syg er gsy und ä ganzi Wyl wie gsturnä-üfärä Gstabällä gsässä, bis er nur as Wertli firepracht heig. Andlächä heig-er chennä sägä, äs Fyrrots sygem nachächu wiennä Wind. Jä, der hent die armä Seelä hei'tribä.

Anton Stadler, Bürglen

Quelle: Müller, Josef: Sagen aus Uri 1-3. Bd. 1-2 ed. Hanns Bächtold-Stäubli; Bd. 3 ed. Robert Wildhaber. Basel: G. Krebs, 1926, 1929, 1945

Eingelesen von der Mutabor Märchenstiftung auf www.maerchenstiftung.ch.