’s Doggeli chunnt cho suuge

We de Chline d’Brüschtli gschwälle‚ so chunnt ’s Doggeli cho suuge. Für däm z’wehre leit me dem Chingli es Teschtamänt unger ’s Chöpfli u steckt zwöi Schnitzerli chrüzwies i Chorb.

Mi Vater het für ganz sicher erzellt, si eltischt Brueder heig au ’s Doggeli gha. Er isch scho us dr Schuel gsi, wo’s ne het afo ploge. Wen er het welle schlofe, isch es uf eismols cho, isch ihm uf d’Bruscht ghocket u het afo suuge. Dr Brueder het drufabe Brüscht übercho wie-n-es Wibervolch, u Milch isch usecho.

Wie’s ihm du besseret het, chan i nümm meh säge.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.