Es arigs Tannli

Dodüre isch vüra im hingerischte Wald e Tanzplatz. wo albe früeher die junge Lüt si go tanze.

E Bur, en ufrichtige Ma, gloge hätt’ er de gar nid, het mer verzellt. ei Winter heig er erchennt, es Tannli umzmache, wo bim-ene Tanzplatz gwachse sig. Sie heige d’Sage dragha un afo sage, du heig es i den Eschten afo musiziere un i allem Düresage heige sie gäng ‘Musig ghört.

Gheie heig’s de au nid welle u gäng heig’s im Tannli gmusiziert. Ändtlige hei eine d’Schlegelachs gno u heig’s dermit ab em Stock und a Bode brocht. Ersch jetze, wo-n-es am Bode läge sig, heig es ufghört mit Musiziere.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.