E glichligi Hasegschicht

Dr Vetter Hannes isch albe au öppe go jage. Einisch sige sie hinger eme Has gis. Mängisch heige si uf ihn gschosse; aber kelne heig ne breicht. D’Hüng sigen ihm gäng note gsi. Aber nie heige sie ne erwütscht.

Ei Tag isch es au eso gange. Gäng isch dr Has gäg em Rain zue. U de isch’s gäng prezis glich gsi. We der Has noch bim Hus gsi isch, het me nen eismols nümme gseh.

Du seit ne du eine. si söllen es Halbfränkli i Stücki verhaue u vor ’s Gschröt i Lauf lade. Sie hei ihm gfolget u’s eso gmacht.

Dr Has isch wieder cho. Du het eine uf ne gschosse. E chli het’s ne breicht; aber erwütscht hei sie ne nüschti nid. Am angere Tag het’s gheisse, ’s Fraueli am Rain sig chrank. Das sig eini gsi, wo meh heig chönne weder Brot ässe.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.