E Chrott unger eme Mischthufe

Einisch het e Chnächt Mischt gfüehrt. Nid wit dervo si zwo Häxe gstange. Säg eini zur angere: „Jetz han i gwüss einisch nüt z’tüe.“ Säg du diesi: „Emel i wohl. I weiss öppis. Jetz füehrt dr Chnächt Mischt. Wen i ungeren erschte Hufe schnoogge, wo-n-er abzieht, so git’s dert nüt“.

Dr Chnächt het alls ghört u für ihn sälber dänkt‚ wie de das emel au goh söll. Wo-n-er abzieht, schnoogget e Chrot ungere Hufe. „Wart‚ dir will i“, säg er. Dermit git ere e Chätzer mit em Charscht!

Wo-n-er isch heicho, het’s gheisse, vori sig grad Hansuelis Meieli d’Stägen abgheit u gli druf e Lich gsi.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.