Vom Dokter Fuschti

Dr Dokter Fuschti u dr Tüfel hei zsämen e Bund gmacht; ume weiss i gwünd nümme, wie u was do alls gangen isch; i säge dr afe, was i weiss; ’s chönnt si, es chunnt mer de no später z’Sinn; de cha dr’sch de no gäng brichte.

Einisch isch dr Dokter Fuschti usgfahre u dr Tüfel het ihm müesse d’Stross vorewägg bsetze, so starch äine gfahren isch. Em Tüfel isch es verleidet u het gseit, är mög jo chum gcho; är gäb ihm do Sache uf. är chönn se jo nid mache. Aber dr Fuschti het ihm gseit, är söll ume dra hi; är wüssi’s wohl, wie sie’s gmacht heige; är heig nid im Sinn zrugg.

Es angersch Mol het ihm dr Fuschti en angeri Ufgab gä; diese het es Mäss Hirsch dür Schiterbigen abgschüttet u äine hät’s ire gwüsse Zit sölle zsämeläse.

Ändtlige wär du d’Zit ume gsi. u dr Tüfel het wölle dr Fuschti reiche. Aber wo dr Tüfel isch cho, het dr Fuschti bätet u nid ufgluegt. Därewäg het dr Tüfel verspielt gha un isch ume furt. Drufabe isch dr Tüfel mit ere Musig derhär cho; die het gar cheibeschön blose. He, säg der Tüfel, numen einisch söll er ufluege u lose; aber dr Fuschti het si nid lo abha u het witer gfahre. Dr Tüfel het ume müesse hingerab näh. No eis het er probiert. Är isch umecho u het e Chuppele Meitli gha. Jetzt het dr Fuschti ufgluegt, u mit däm isch er verlore gsi. Gleitig het ne dr Tüfel mit eme Seili bunge; därewäg het ne dür es Aschtloch gschrisse; gar schützlig het dr Fuschti brüelet; äs sig fasch nid zu Zueloese gis.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.