Vom Hanischulmeischterbueb

Dr Hanischuelmeischterbueb het mängs chönne, wo anger Lüt nid hätte gwüsst azgattige. Z’Eriswil het er es Wätter gmacht, wie, chan i nid säge; ume sövel weiss i: Äs sig es Röuchli uf, u du heig’s es schüzlechs Wätter gä. Ame Bur het’s dä Rung ’s Gwächs ganz i Boden ihe gschlage.

Aber sie hei no ganz anger Sache von ihm brichtet. Är sig i frönde Chriegsdienschte gsi u heig albe ganz Riterschwadrone chönne mache.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.