E See unger eme Chriesbaum

Äs isch Samschti z’Obe gsi. Du si Nachtbuebe tätig worde, sie wellen em Müller i d’Chriesi. Sie hei’s gmacht u hei derno vom Baum abe welle. Du isch drunger e grosse See gsi.

Mir hätti das nüt to. I hätt es Mitteli gwüsst, für über ’s Wasser ewägg z’cho. I hätt dr Chüttel u ’s Schilee, oder was i hätt agha, abzogen u wär drufgstange; de hätt mer niemer öppis chönne z’leidwärche.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.