E Gspane

Mi Vater het is verzählt, är heig einisch vor Tagheiteri dr Wäg unger d’Füess gno u sig gäge Solothurn. Äs sig usgähnds Meie gsi; d’Lüt heige scho so süferli afo heue. D Stärne heige gschiene, un am Himmel sig kes Wülchli gsi.

Ungerwägs uberchömm er e Gspane; dä heig mit ihm afo brichte vom Wätter, vom Heue u vo de Lüte. Du säg dr Gspane: „Söll ne chli Angscht mache?“ Dermit lauf er umene Teich ume u schlöi mit em Stäcken i ‘s Wasser. Demo sig es chlis, liechts Näbeli ufgstige. Gli druf föi’s afo donnere, un öppen e Viertelstung heig’s rächt ärschtig grägnet.

Demo frog dr Gspane wieder: „Söll ne no chli Wisses mache?“ Dr Vater heig nüt druf gseit; aber wie’s taget heig, heig me mögen erchenne, wie uf em Wissestei dr Schnee heig mögen aghäiche“

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.