I dr Beistampfli

Am Bechli isch früeher e Beistampfi gsi. Aber dä, wo isch druffe gsi, het meh weder gnue Dräck am Stäcke gha. All Sundi isch er z’Predig; unger em Arm het er es grosses Psalmebuech treit. Aber d’Lüt hei glich gwüsst, was’s mit ihm isch; mi het dies u äis gseit; emel toll Sang heig er de Lüten i ’s Beimähl to.

Är isch nom Tod umecho. Z’Mittemacht het er ’s Wasser uf ’s Rad greiset. D’Mühli het afo stampfe. Derzue het er gjommeret u gsüfzget. Mi het’s wit zringsetum ghört.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.