Dr Geischt im Sodloch

Bi dr Altburg het me vor Johre no ’s Sodloch gseh. Wo-n-i es chlis Meitli gsi bi, hei mer einisch bi dr Altburg Spiel gmacht. Du bin ig i ’s Sodloch trappet. Gli druf han ig im Gsicht e wüeschte Usschlag ubercho. Do drinne het drum öpper anger ’s Rächt gha z’si u nid ig.

Ame Sundi si vor Johren e Chuppele Buebe i d’Altburg hingere. Eine isch zum Sodloch gange, het ei Stei um dr anger abe bängglet u glost, wie sie z’Bode chöme. Eismols haut ihm öpper a Chopf, wie mit eme Zwieseli. Chrank isch er heicho u no paarne Tage e Lich gsi.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.