Es Liechtli uf dr Langete

Einisch bin i z’Obe spot vo Dietel heiglüffe. Äs isch ganz feischter gsi. Uf dr Langete han i es Liechtli gseh. Äs tanzet düruehe über ’s Wasser, chläderet gleitig wie-n-es Härmli über d’Pritschen uehe, chunnt zu re-n-angere, gumpet flingg drüber ewägg un isch plötzlech verschwunge.

Was es ischt, weiss me nid. Mänge seit, äs sig es Irrliecht; en angere will ha, äs sig e Geischt, wo müess umecho, vowäge dass er z’Nacht em Nochber bim Wässere heig ’s Wasser abgstohlen un uf die eigeti Matte greiset.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.