Warum dr Totewage chunnt

E Frau het mer erzellt, warum dr Totewage chunnt. Das isch eso: Z’Ärbuligen äne het si vor vielne Johre e Ma ’s Läbe gno. Siner Lüt hei das gar ungärn gha. Sie hei nid welle ha, dass es e Lärme gäb u unger d’Lüt chömm. Dessitwäge hei sie dr Totnig im Wald ungere to un es Legistück i ’s Totebäumli gleit. We dr Tot uf e Chilehof zu den angere wär z’liege cho, so hätt er d’Ruehw vo diesne gstört; das wäre de sine Lüte nüschti nid rächt u z’wider gsi. Für die, wo si sälber umbrocht hei, het me sälb Rung aparti es Plätzgli gha.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.