E ruche Luft

E Burema isch amene Summertag i dr Nöhi vom Huttelwald uf em Fäld gsi. Plötzlig isch e ruche Luft derhär cho; ’s het d’Tanne gschüttlet‚ ghület u toset wie die wildi Jagd. Derno isch es still worde.

Am Obe isch dr Bur hei; du het er d’Ursach verno; äs het si eine im Wald ghänkt gha. D’Tanne‚ wo-n-er dranne isch ghanget, het si dräiht gha, wie-n-es Widli, wo me brucht für d’Wedele z’binge.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.