Vomene Bruederstrit

’s Chiupbechli z’Leimiswil heig vor vielne Johre zweine Brüeder ghört, wo guneiset heige. Im Chiupbechli sige sie bim Mäihe hingerenangere cho. Beid heige mit de Sägetze ufzoge u eine heig gseit: „We du ziehsch, ziehn i au!“ Dermit heig eine zoge u diesen au, u beid sige tot uf em Platz bliebe.

Jetz, wie’s de geiht! D’Lüt hei gseit, do sig nid alls sufer. Einisch, äs isch i dr Ärn gsi, isch es derhär cho u hett is d’Zatte wit dür d’Luft us gno. Mir hei äi Rung e Tauner gah, wo au isch derbi gsi; dä het drufabe gäng dervo brichtet u het welle ha, das sig nit mit rächte Dinge zue- u härgange.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.