Es chlis Manndli winteret War

Zume Bur isch einisch im Herbscht es chlis Manndli cho u het ihm gseit, äs well ihm düre Winter düre zur War luege; aber de dörf er de nie i Stall cho luege, wie’s göih. Aber im Merze het es du de Bur wunger gno, wie’s stang; är isch uf d’Bühni für z’luege‚ wie ’s Heu mögi grecke; aber du het er grossi Auge gmacht; vom Heustock isch nid d’Helfti brucht gsi. Jetz het’s ne nümme bha; är het müesse go luege, wie’s im Stall stang. Aber do isch alls rächt gsi, d’War bi Lib; är hätt’s nid besser chönne wünsche.

Gli druf isch das chline Manndli au cho u het ihrn gseit, jetz heig’s gfählt, warum chöm er cho gwungere, sig furt u nümme umecho.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.