I dr Bisighohle

Einisch si zwe Manne i d’Bisig ubere i d’Gruebe u hei Grien abgmacht. Sie hei afen es teufs Loch i Bärg ihe gmacht gha. Eismols gugget e Diechsle us em Bärg vüre. Sie hei witer abgmacht u dr guldig Wage vüreglochet. Äs sig e Hufe Gäld druffe gsi. Du chömm es Manndli derhar u säg: „Dir cheut de Wage ha. Aber ohni es Wörtli z’säge müesst er ne über d’Langete übere füehre.“ Denn isch no kei Brügg übere Bach gsi. Sie si Ross go reiche u hei dr Wage ring bis zum Bach brocht. Do het‘s nümme welle goh. Du seit eine: „We ume e Brügg wär!“ Im Hui isch dr Wagen ume zrugg i d’Hohle, het si verschloffe un isch dert bliebe bis uf e hütige Tag.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.