Dr schwarz Tod z’Madiswil

Mi Grossvater het e Gspane gha, dr Seppueli het men ihm gseit. Dä hättit dir sölle ghöre! We dä alben in es Brichten isch cho, so het er dere Gschichte gwüsst z’verzelle, bimene Obesitz oder bire Stubete, eis nom angere, dr ganz Obe düre. So het er au vom schwarze Tod brichtet. Sälb Chehr isch z’Madiswil numen es Chappeli gsi u d’Chile z’Gumiswil äne. U mit de Totne hei d’Madiswiler uf Gumiswil übere müesse, vowäge dr Chilehof isch do äne gsi. Wo dr schwarz Tod regiert het, si sie albe mit ganze Fueder Totne der Wyssbech ufcho. Aber dür d’Hiltygass u dür d’Chüehgass uf hätti si de nümme möge fahre; äs isch Ech dert chünts; das geiht unerkannt stotzig uehe. Bim Hiltyspicher hei sie drum de alben e Tel vo de Totne abgleit. - Vor uf em Wagen isch eine gsässe, där het i eir Hang es churzes Schwärt treit.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.