Vom Brueder Chlause

Hesch au scho ghört vom Brueder Chlause? Dä het gseit, es chömm e Zit, do sige d’Strosse mit Ise bschlage. Wägen ohne Ross fahri. D’Meitli trage Buebechappe. Die gröschti Hoffert sig im Strouh.

De bräch dr gross Chrieg us. I dr Schwiz mach me nen us, uf eme Fäld noch bi Luzärn. Luzärn schiess me zsäme. E Bueb hüeti dert drufabe d’Geisse. Dä säg: „Do isch Luzärn gstange.“ D’Russe träichi d’Ross im Bodesee. Die junge Buebe u die alte Manne jagi dr Fing us em Land. De sägi die alte Manne, we sie jetz ume no jung wäri, jetzt wäri’s ume guet derbi z’si. So het albe mi Elter brichtet.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.