Nit vill Lüt wüsse, worum ass me der Stell unde-n- am Wasserfälleli im Flüegrabe «die drei blutte Buebe» seit. Das isch eso:

Vor ville Johre, wo Titterte noh katholisch gsi isch, het me-n-emol dort unde drei Buebe gfunde. Die heinüt agha as ’s Hemmli. Si sy im Chloschter Dornech z’mitts in der Nacht furtgloffe gsi. Die Titterter, wo se gfunde hei, hei se mit hei gnoh und ene Chleider ge. Noh ne paar Tage hei si se wieder ins Chloschter Dornech zrugg to.

Quelle: G. Müller/P. Suter, Sagen aus Baselland, Liestal 1939.

Eingelesen von der Mutabor Märchenstiftung, www.maerchenstiftung.ch