An dr Gassen, das gäid Mäiringen an, da chemi am häilegen Aben uf em Seecheplatz ds Nachtvolch derhar; eso ischd dsGred ggangen.

E Schniider hed das nid rächt wellen gloiben und ischd am häiligen Abe ggangen und hed gwarted ung gwarted, ob er's gseji derharchun.

As ischd Mittinacht gsiin. Döö ischd e Ziileten Enti druberinha chun, äini hinder dr andren, dir e Schnee, e-l-lengi lengi Ziileten.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.