In dr häiligen Nacht brichte d'Teer; das häin dee Alten geng gsäid. Döö hätti döö äis äina gwundred, was d'Chee sägen um bbrichten.

Am häiligen Aben ischd er i Cheegaden. Äs ischd Mittinacht worden. Döö säid e Chöö zer andren, an däm und däm Tag zerhiiji dr Büür es Bäin..

„Eppa nid", sägi dr Büür fir in sälber, „däm cham ma dervorsiin."

Är ischd an däm Tag im Bett bbliiben und nid üüf. Döö hed's im Strewwisack afa chräschlen ung chräschlen. Är hed glosd; äs ischd nummen em Müüs gsiin.

Döö chunnd si uf em Bettladen. „Näin", däichd er, „därra will i furthälfen." Är reerrd mi dem Bäin gäg sa, u-r-richtig, reerrd uf em Bettlade ds Bäin abenandren.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.