Trigli Jelli hed am Solti ghirted. Nid wiit vun dr Schiir hed er em Bäizi under d'Stüüdi taan. Wa's hed afan nachten, ischd er zwäg, fir uf d'Figs z'lotzen. Das wän an enem häiligen Abe gsiin.

Alli Lengi hed er vergäbe glotzed. Äs ischd chaalt gsiin, und vu Fiessen hed er afen wenig mee gspirrd. Döe hed's gägen Mitternacht grickd. In dr Fiischtri chunnd e Fugs z'diichen; Jelli ergriifd hibschelli ds Gweer und faad a zaalen. Im gliichen Oigemblick siin en ganza Tschuppen wiiss Figs um in um gsiin;

är hed ds Gweer la siin und ischd angäänds häin.

Firderhin ischd Jelli nie mee an enem häiligen Aben uf Figs ge-l-lotzen.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.