Äs ischd fascht nid gloibbli; aber Peetsch, mi Schweer, hed geng bherted, das siigi waar. Äs wän im Milital gsiin. We's häigi afa-w-wintren und dr Schnee siigi über d'Bärga inha chun, siigi z'ira Hüüs äina bis i ds Fiirhüüs chun. Vor dr Fiirblatten häig er si uf ene Dotze gsetzd und häigi si gwärmd; gsäid häig er niid und siigi chun und enumhi furt, ani es Wort z'sägen. Neemmen häige ne gseen wam Menk, und där siigi es Frowwfaschteching gsiin.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.