A Tannen, hinderhi in dr Gäiswäid, und o an Engschtlen gheerre d'Älper z'gwisse Ziiten äina hoiren und jodlen. Äis häim mer nen umhi gheerd; dr alt Tannenhirt ischd o da gsiin und hed gsäid: „Das ischd dr Jodler. Äs chunnd Schnee."

Uber Nacht hed's uberreerrd; uber d'Bärga inha bis i d'Läger abha ischd Schnee gsiin; äs ischd gägen Herbscht gsiin, und no gliiche Tags siim mer abgfaaren.

Ma chan drüüf gaan; wen dr Jodler afaad hoiren, gid's e Schneewätterfeeri.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.